عزيزى الاخوانجى ، أو مش اخوانجى بس بتحبهم أو مش مع مرسى بس مؤيد للشرعية .
احنا متفقين ان الدم كله حرام .. بس انت مش ملاحظ ردة فعل الناس التانية فيها برود ولا مبالاة ليه ؟
فاكر احداث محمد محمود ؟ فاكر لما الناس نزلت فى الشارع تطالب باسقاط حكم العسكر لتجاوزاته السياسية الفاشلة ؟ فاكر دم الناس اللى ماتت اللى كان مغرق الارصفة والشوارع ؟ فاكر عملت ايه ؟ قولت مفيش خرطوش .. وقولت ان الداخلية اتغيرت وبطلت تضرب خرطوش حتى برلمان العار بتاعكم قال وزير الداخلية بيؤكد ان مفيش خرطوش .. وهات يا تسقيف تحت القبة الوسخة اللى انت كنت تحتها ..
طيب فاكر لما مات مينا دانيال وعماد عفت ؟ فاكر اتقال ان اللى قتلوهم جوة الميدان وان المتظاهرين بيحاولوا يستميلوا عطف الناس وان احنا ( اللى بنموت ) بنفسد العرص الديموقراطى بتاع بديعه بتاعتكم .
فاكر لما جبتوا وزير الداخلية فى مجلس الشعب واحتفلتوا بيه والراجل داخلكم بخرطوش فى ايده واحده مضروبة والتانية لا .
بمناسبة اللى احنا فيه واكيد انت شايف كلمة هم ايه اللى وداهم هناك ؟ اقولك انا اصلها .. اصلها لما بنت جدعه شافت الظلم والاصابات والغاز والخرطوش كتير .. نزلت تمرض الناس .. اتضربت واتسحلت واتعرت من عسكرى مخه اتغسل من وساختكم الاعلامية ومن المجلس العسكرى معدوم الضمير وبمباركة الاوساخ اللى وصلوا لسدة الحكم فى وقتها واتقال الله هو ايه اللى وداها هناك ، وطلعت نعجة اخوانجية تقول الله هى مش ليها راجل يدافع عنها ، وطلع الديوث اللى اسمه خائض عبد الله يقول للراجل اللى زعلان لما شافها ياواد يا مؤمن ! وقالك اصلها كنت متمرمغة فى الارض واستفزت الجنود .. والله واحشتنى يا خائض ( يا واد يا وسخ )
فاكر علاء عبد الهادى وعماد عفت ومينا دانيال ماتوا ازاى وامتى ؟
فاكر الشاب اللى اسمه اسلام ومات بطلقة فى بطنه ؟
فاكر لما حاصرتم المحكمة الدستورية العليا وقعدتوا تهتفوا الشعب والشرطة ايه واحده الشعب والشرطة ايد واحده ..
فاكر لما كانوا اوسخ ممثلين ليكم بيقولوا ان خيام التحرير مليانه دعارة وان البنات بتروح هناك عشان يتم التحرش بيهم وان فيه حبوب منع الحمل ( وواقى ذكرى ) موجود داخل الخيام عشان يتم ممارسة العلاقات الجنسية كاملة .. اصلهم شباب وبنات ملهومش أهل .
فاكر التراامدول و ال200 جنيه وجبة الكنتاكى ودول شوية بلطجية مأجورين ..
فاكر ان الست عورة وصوتها عورة وايه اللى بينزلها فاكر الطعن فى نسائنا وفتياتنا كان عامل ازاى ..
إوعى تكون فاكر ان هقولك فى الأخر انى رغم كل ده هقف معاك .. تبقى بتحلم ساعتها .. انا بس زعلان على اللى بيموت منك وقياداتكم قاعدة تحت التكييف باللباس والفانلة وانت بيتضحى بيك كالخروف .
اشكرك على سعة صدرك .
هذه الرسالة منقولة من إحدى صفحات الفيس بوك التي أتابعها
لو عندك أي سؤال أو شتيمة اكاونت تويتر بتاعي: @alexanderawi
أو ابعتلي ايميل على: a_samakia@live.com
أو كلمني على فيسبوك بنفس الايميل.
الكلام ده بيعبر عن وجهة نظري الشخصية ولا يعبر عن وجهة نظر أي كيان أنتمي له.
عادل سماقية.
